Hit Topic these years

港女

1. 盲追名牌(重點係盲)，唔理個袋係咪通街人人拎，唔理衣著襯唔襯(這裏不是指Gucci怪客，他可能周身名牌非常得體)，唔理咩場合(但咁得體的話，佢出席嘅場合應該唔係經濟艙囉)，總之死都要攬實一個名牌。

2. 蠻不講理——「搭開都唔使將個袋放落地下，點解今次又要？」——你紅公仔過馬路俾差人抄牌，你同人講「咁我過開都唔抄架嘛，點解今次又抄」囉。

3. 極度自以為視，以為自己啱晒，全世界都要就佢，仲死要面到底——「唔關我事㗎！係佢哋（機組人員）太執着，我個袋大咗兩吋係都要我放落椅底咋喎。」——如果你個臀部大咗兩吋要你坐落椅底就話無理啫，人人個袋大兩吋，加埋加埋咪大成千吋？成機睇唔過眼，都仲要「拿」番"炸"沙。

4. 極愛炫耀(重點在個「極」字)——雖然個Gucci係貴，但我唔係矜貴到連放個袋落地下都唔肯嗰隻女仔嚟——唔講個Gucci貴，對以上呢句野嘅意思冇乜影響，硬要強調，大把人知Gucci貴啦。

5. 方便自己，漠視他人——但係我啲嘢放晒喺個袋入面，成日要烏低身拎嘢，好唔方便㗎嘛——人人都要烏低身咁唔方便，獨佢最要方便，或者佢有過人之處，受不起地心吸力而容易下垂。

6. 邏輯力弱，唔緊要，但硬要無理取鬧——「咁我之前都試過咁啦，又唔見人哋話我，我點知間間航空公司都唔同規矩啫。」明知間間航空公司唔同規矩，都唔遵守，仲要攞第二間公司嘅嚟challenge你坐緊果間。就等於去美國住你可以擁有槍械，你帶枝槍番嚟香港，然後話「我之前都試過有槍啦，又唔見人哋話我，我點知個個國家都唔同規矩啫」。

7. 自己大晒，人地錯晒——「自己初時『好聲好氣』跟對方理論，對方卻找機長作廣播，『咁大間公司蝦我哋幾個女仔，都唔知知唔知醜』——我很相信國泰嘅服務，當初一定仲好聲氣過你咁勸你收埋個袋。另外，你幾個女仔蝦晒全機人，包括日本人(架機番東京)，又知唔知醜呢。

8. 盲批港男——並說對香港男士失望，眼見「幾個女仔咁俾人蝦」卻袖手旁觀——香港男士都係好多唔爭氣，不過如果當時有男士幫佢，我覺得佢唔係男人囉。

by  葉一知

Pls tell me how you feel? whatever you are a boy or girl. Thx

My point of view, standard of critiqu of HK ppl are really low, i think this is not only the case of female in HK but the whole society; it's changing now. That is meaningless to discriminate female. I think this is really a personal prespective and a little bit of bias....